1ܠܸܥܒܼܵܕܵܐ ܫܘܼܒܼܗܵܪܵܐ ܘܵܓ̰ܸܒ ܝܼܠܵܗ̇؛ ܐܸܠܵܐ ܠܹܐ ܝَܠܵܗ̇ ܠܚܲܝܪ؛ ܐܝܼܢܵܐ ܒܹܐܬܵܝܵܐ ܝܘܸܢ ܠܚܸܙܘܹ̈ܐ ܘܠܓܸܠܝܵܢܹ̈ܐ ܕܡܵܪܲܢ. 2ܒܝܼܕܲܥܝܵܐ ܝܘܸܢ ܚܲܕَ ܐَܢܵܫܵܐ ܒܡܫܝܼܚܵܐ ܐܲܪܒܲܥܣܲܪ ܫܸܢܹ̈ܐ ܡܩܵܕَܡ ܐܵܕܝܵܐ ܐܝܼܢܵܐ ܐܸܢ ܒܦܲܓܼܪܵܐ ܠܹܐ ܝܘܸܢ ܒܝܼܕܲܥܝܵܐ؛ ܘܐܸܢ ܠܒܲܕܲܪ ܡ̣ܢ ܦܲܓܼܪܵܐ ܠܹܐ ܝܘܸܢ ܒܝܼܕܲܥܝܵܐ؛ ܐܲܠܵܗܵܐ ܒܝܼܕܵܥܝܵܐ ܝܠܹܗ؛ ܚܲܕَ ܐܲܝܼܟ ܕܐܵܗܵܐ ܕܦܸܫܠܹܗ ܓ̰ܢܝܼܘܵܐ ܗܲܠ ܫܡܲܝܵܐ ܕܬܠܵܬَ. 3ܘܝܕܹܥܠܝܼ ܠܚܲܕَ ܗܲܕܟܼܵܐ ܐَܢܵܫܵܐ؛ ܐܝܼܢܵܐ ܐܸܢ ܒܦܲܓܼܪܵܐ؛ ܘܐܸܢ ܠܒܲܕܲܪ ܡ̣ܢ ܦܲܓܼܪܵܐ؛ ܠܹܐ ܝܘܸܢ ܒܝܼܕܲܥܝܵܐ؛ ܐܲܠܵܗܵܐ ܒܝܼܕܲܥܝܵܐ ܝܠܹܗ؛ 4ܕܦܸܫܠܹܗ ܓ̰ܢܝܼܘܵܐ ܠܦܲܪܕܲܝܼܣܵܐ؛ ܘܫܡܸܥܠܹܗ ܗܹܡܸܙܡܵܢܹ̈ܐ ܕܠܹܐ ܐܵܬܝܼ ܠܗܲܡܙܘܼܡܹܐ؛ ܐܵܢܝܼ ܕܐَܢܵܫܵܐ ܠܲܝܬ ܠܹܗ ܕܲܣܬܘܼܪ ܠܗܲܡܙܘܼܡܵܝܗܝ. 5ܥܲܠ ܚܲܕَ ܕܗܲܕܟܼܵܐ ܒܸܬ ܥܵܒܼܕܸܢ ܫܘܼܒܼܗܵܪܵܐ؛ ܐܝܼܢܵܐ ܥܲܠ ܓܵܢܝܼ ܠܹܐ ܥܵܒܼܕܸܢ ܫܘܼܒܼܗܵܪܵܐ؛ ܐܸܠܵܐ ܐܸܢ ܒܙܲܒܘܼܢܘܼܝܵܬܹ̈ܐ. 6ܣܵܒܵܒ ܐܸܢ ܒܲܥܝܸܢ ܕܥܵܒܼܕܸܢ ܫܘܼܒܼܗܵܪܵܐ؛ ܠܹܐ ܗܵܘܹܝܢ ܐܲܗܡܲܩ؛ ܣܵܒܵܒ ܣܲܪܲܣܬܘܼܬܵܐ ܒܸܬ ܐܵܡܪܸܢ. ܐܝܼܢܵܐ ܒܸܚܣܵܟܼܵܐ ܝܘܸܢ؛ ܠܵܐ ܗَܘܹܐ ܕܐَܢܵܫܵܐ ܚܵܫܸܒܼ ܒܵܗَܣܝܼ ܙܵܘܕܵܐ ܡ̣ܢ ܕܗ̇ܘ ܡܸܢܕܝܼ ܕܚܵܙܹܐ ܠܝܼ ܘܕܫܲܡܲܥ ܡܸܢܝܼ. 7ܘܕܠܵܐ ܦܵܝܫܸܢ ܡܘܼܪܡܵܐ ܒܒܘܼܫܵܝܘܼܬܼܵܐ ܕܓܸܠܝܵܢܹ̈ܐ؛ ܦܸܫܠܹܗ ܣܘܼܦܝܵܐ ܐܸܠܝܼ ܟܸܬܘܵܐ ܠܒܸܣܪܝܼ؛ ܡܲܠܲܐܟܼܹܗ ܕܣܵܛܵܢܵܐ؛ ܠܩܲܪܦܘܼܚܝܼ؛ ܕܠܵܐ ܦܵܝܼܫܸܢ ܡܘܼܪܡܵܐ. 8ܘܥܲܠ ܕܐܵܗܵܐ ܬܠܵܬَ ܓܵܗܹ̈ܐ ܦܘܼܪܦܸܠܝܼ ܒܡܵܪܝܼ ܕܦܵܪܸܩ ܗَܘܵܐ ܡܸܢܝܼ. 9ܘܐَܡܝܼܪܹܗ ܐܸܠܝܼ؛ ܟܹܐ ܡܵܠܝܵܐ ܠܘܼܟܼ ܫܵܦܵܩܲܬܝܼ؛ ܣܵܒܵܒ ܕܚܵܝܠܝܼ ܒܙܲܒܘܼܢܘܼܬܼܵܐ ܦܝܵܫܵܐ ܝܠܹܗ ܬܘܼܡܸܡܵܐ. ܒܲܣ ܒܚܲܕܘܼܬܼܵܐ ܙܵܘܕܵܐ ܒܸܬ ܫܬܲܒܼܗܸܪܸܢ ܒܙܲܒܘܼܢܘܼܝܵܬܝܼ̈؛ ܕܚܲܝܠܹܗ ܕܡܫܝܼܚܵܐ ܫܵܪܹܐ ܥܲܠܝܼ. 10ܣܵܒܵܒ ܕܐܵܗܵܐ ܟܹܐ ܒܵܣܡܵܐ ܠܝܼ ܒܙܲܒܘܼܢܵܝܵܬܹ̈ܐ؛ ܒܡܲܣܠܵܝܵܬܹ̈ܐ؛ ܒܐܘܼܠܨܵܢܹ̈ܐ؛ ܒܛܪ̈ܵܕܝܵܬܹܐ؛ ܒܚܒܼܘܼܫܝܹ̈ܐ ܒܚܵܬܸܪ ܕܡܫܝܼܚܵܐ؛ ܣܵܒܵܒ ܐܝܼܡܲܢ ܕܙܲܒܘܼܢ ܝܘܸܢ ܐܵܢܵܐ؛ ܗ̇ܝܓܵܗ ܚܲܝܼܠܵܢܵܐ ܝܘܸܢ. 11ܗَܘܝܼܵܐ ܝܘܸܢ ܟܝܼܡ ܚܝܼܵܠ؛ ܐܲܚܬܘܿܢ ܩܲܡ ܡܲܠܝܼܨܝܼܬܘܼܢ ܠܝܼ؛ ܣܵܒܵܒ ܘܵܓ̰ܸܒ ܝܼܗَܘܵܐ ܕܐܲܚܬܘܿܢ ܝܵܗَܒܼܝܼܬܘܿܢ ܗَܘܵܘ ܣܵܗܕܘܼܬܼܵܐ ܒܵܗَܣܝܼ؛ ܣܵܒܵܒ ܠܹܐ ܝܘܸܢ ܒܡܸܢܕܝܼ ܒܵܨܘܿܪܵܐ ܡ̣ܢ ܫܠܝܼܚܹ̈ܐ؛ ܐܵܢܝܼ ܕܪܵܒܵܐ ܥܸܠܸܠ ܝܼܢܵܐ؛ ܐܵܦܸܢ ܡܸܢܕܝܼ ܠܹܐ ܝܘܸܢ. 12ܢܝܼܫܲܢܩܸ̈ܐ ܕܫܠܝܼܚܹ̈ܐ ܗܲܪ ܦܸܫܠܗَܘܿܢ ܦܠܝܼܚܹܐ ܓܵܘܵܘܟܼܘܿܢ؛ ܒܟܠ ܚܡܵܠܬܵܐ؛ ܒܢܝܼܫܲܢܩܹ̈ܐ ܘܒܥܵܓ̰ܸܒܘܼܝܵܬܹ̈ܐ ܘܒܚܲܝܠܹ̈ܐ. 13ܣܵܒܵܒ ܡܘܼܕܝܼ ܝܠܹܗ ܕܒܝܼܹܗ ܒܨܸܪܵܘܟܼܘܿܢ ܡ̣ܢ ܥܹܕܵܬܹ̈ܐ ܐَܚܹܪَ̈ܢܹܐ ؛ ܫܒܼܘܿܩ ܡ̣ܢ ܒܐܵܗܵܐ ܕܐܵܢܵܐ ܠܵܐ ܥܒܼܸܕܠܝܼ ܝܘܼܩܪܵܐ ܥܲܠܵܘܟܼܘܿܢ؛ ܫܒܼܘܿܩܘܼܢ ܠܵܗ̇ ܐܸܠܝܼ ܐܵܗܵܐ ܓܢܵܗܵܐ. 14ܗܵܐ؛ ܐܵܗܵܐ ܓܵܗܵܐ ܕܬܠܵܬَ ܝܼܠܵܗ̇ ܕܗܵܙܸܪ ܝܼܘܸܢ ܕܐܵܬܸܢ ܠܟܸܣܠܵܘܟܼܘܿܢ؛ ܘܠܹܐ ܥܵܒܼܕܸܢ ܝܘܼܩܪܵܐ ܥܲܠܵܘܟܼܘܿܢ؛ ܣܵܒܵܒ ܠܹܐ ܒܲܥܝܸܢ ܕܕܝܼܵܘܟܼܘܿܢ؛ ܐܸܠܵܐ ܐܸܠܵܘܟܼܘܿܢ. ܣܵܒܵܒ ܠܹܐ ܝَܠܵܗ̇ ܘܵܓ̰ܸܒ ܠܒܢܘܼܢܹ̈ܐ ܠܡܲܬܘܼܒܼܹܐ ܚܲܙܝܼܢܹ̈ܐ ܠܒܵܒܵܘܵܬܹ̈ܐ؛ ܐܸܠܵܐ ܒܵܒܵܘܵܬܹ̈ܐ ܠܒܢܘܼܢܹ̈ܐ. 15ܘܐܵܢܵܐ ܒܚܲܕܘܼܬܵܐ ܒܸܬ ܚܵܪܓ̰ܸܢ ܘܐܘܼܦ ܒܸܬ ܦܵܝܫܸܢ ܚܘܼܪܓ̰ܵܐ ܒܚܵܬܸܪ ܕܓܵܢܵܬܵܘ̈ܟܼܘܿܢ. ܐܸܢ ܙܘܵܕܵܐ ܡܲܚܸܒܸܢܵܘܟܼܘܿܢ؛ ܦܝܵܫܵܐ ܝܘܸܢ ܡܘܼܚܸܒܵܐ ܒܘܼܫ ܒܵܨܘܿܪܵܐ؛ 16ܘܗܵܘܝܵܐ ܗܵܕܵܐ؛ ܐܵܢܵܐ ܠܵܐ ܥܒܼܸܕܠܝܼ ܝܘܼܩܪܵܐ ܥܲܠܵܘܟܼܘܿܢ؛ ܐܸܠܵܐ ܐܲܝܟܼ ܐَܢܵܫܵܐ ܝܲܕܘܼܥܘܵܐ ܒܠܹܐܒܵܐ ܩܲܡ ܕܲܒܼܩܸܢܵܘܟܼܘܿܢ. 17ܒܝܲܕ ܚܲܕَ ܡ̣ܢ ܕܐܵܢܝܼ ܕܫܘܼܕܼܪܝܼ ܠܟܸܣܠܵܘܟܼܘܿܢ؛ ܥܒܸܕܠܝܼ ܛܲܡܲܥܟܵܪܘܼܬܼܵܐ ܥܲܠܵܘܟܼܘܿܢ؛ 18ܡ̣ܢ ܛܸܛܘܿܣ ܒܹܥܠܝܼ؛ ܘܫܘܼܕܼܪܝܼ ܥܲܡܹܗ ܠܐܵܚܘܿܢܵܐ. ܒܡܸܢܕܝܼ ܥܒܼܸܕܠܹܗ ܛܲܡܲܥܟܵܪܘܼܬܼܵܐ ܥܲܠܵܘܟܼܘܼܢ ܛܸܛܘܿܣ؛ ܒܚܕܼܵܐ ܪܘܼܚܵܐ ܠܵܐ ܚܕܹܪܲܢ؛ ܘܗܲܪ ܒܐܲܢܹܐ ܫܵܘܦܵܦܹ̈ܐ؛ 19ܡܸܢَܕܪܸܫَ ܒܸܚܫܵܒܼܵܐ ܝܬܘܿܢ ܕܐܸܠܵܘܟܼܘܿܢ ܒܝܵܗَܒܼܵܐ ܝܘܵܚ ܓ̰ܘܼܘܵܒ ܩܵܕَܡ ܐܲܠܵܗܵܐ ܒܡܫܝܼܚܵܐ ܗܲܡܙܘܼܡܹܐ ܝܘܵܚ. ܐܝܼܢܵܐ ܟܠܵܝܗܝ ܡܢܕܝܵܢܹ̈ܐ؛ ܡܘܼܚܒܝܼ̈؛ ܠܒܢܵܝܬܵܐ ܕܝܼܵܘܟܼܘܿܢ ܝܼܢܵܐ. 20ܣܵܒܵܒ ܒܸܙܕܲܥܝܵܐ ܝܘܸܢ ܠܵܐ ܗَܘܹܐ ܕܟܲܕ ܐܵܬܸܢ ܠܟܸܣܠܵܘܟܼܘܿܢ؛ ܠܵܐ ܡܵܫَܟ̰ܚܸܢܘܿܟܼܘܿܢ ܐܲܝܟܼ ܕܒܵܣܡܵܐ ܠܝܼ؛ ܘܦܵܝܫܸܢ ܡܫَܟ̰ܝܼܚܵܐ ܠܟܸܣܠܵܘܟܼܘܿܢ ܐܘܼܦ ܐܵܢܵܐ ܕܵܐܟܼܝܼ ܕܠܵܐ ܒܵܣܡܵܐ ܠܵܘܟܼܘܿܢ؛ ܠܵܐ ܗَܘܹܐ ܕ(ܗܵܘܝܵܐ) ܡܲܩܲܪܨܘܼܬܼܵܐ؛ ܘܒܲܚܸܠܵܢܘܼܬܼܵܐ؛ ܘܚܸܡܬܵܐ؛ ܘܥܵܨܲܝܬܵܐ؛ ܘܡܚܵܝܬܵܐ ܕܕܲܪܗܲܩ؛ ܘܛܲܪܛܲܡܬܵܐ؛ ܘܚܬܝܼܪܘܼܬܵܐ ܘܫܓܼܘܼܫܝܵܐ؛ 21ܠܵܐ ܗَܘܹܐ ܕܟܲܕܼ ܐܵܬܸܢ ܡܸܢَܕܪܸܫَ؛ ܡܲܡܟܸܟܼ ܠܝܼ ܐܲܠܵܗܝܼ ܓܵܘܵܘܟܼܘܿܢ؛ ܘܥܵܒܼܕܸܢ ܬܵܙܝܼ ܥܲܠ ܪܵܒܵܐ؛ ܐܵܢܝܼ ܕܚܸܛܝܸܐ ܝܢܵܐ؛ ܘܠܹܐ ܝܢܵܐ ܬܘܼܘܸܒܹܐ ܡ̣ܢ ܛܲܢܦܘܼܬܼܵܐ؛ ܘܡ̣ܢ ܙܵܢܝܘܼܬܼܵܐ؛ ܘܡ̣ܢ ܦܲܚܙܘܼܬܼܵܐ ܕܥܒܼܸܕܠܗَܘܿܢ.